Kapiteni i Interit, Lautaro Martinez, ka analizuar atributet kryesore të sulmuesve më të mirë të botës në dekadën e fundit dhe aktualisht.

Në një video në platformat sociale të mediumit DAZN, Lautaro ka treguar se cilat aftësi do të dëshironte të huazonte nga secili prej tyre.

Zgjedhjet e kapitenit të Interit janë pothuajse të gjitha të drejta dhe një sulmues me këtë kombinim aftësisht padyshim se do të ishte i pandalshëm.

“Unë do të merrja shpejtësinë e Mbappes, forcën fizike të Haaland. Nga Kane – aftësinë e goditjes me kokë, nga Cavani – mjeshtërinë një me një dhe nga Vinicius – driblimin”, ka thënë fillimisht Lautaro.

“Nga Messi? Gjithçka! Nga Kvaratskhelia – aftësia e tij për të mposhtur kundërshtarët me shpejtësi, ai është tepër i fortë”.

“Nga Julian Alvarez – mentalitetin, nga Thuram – buzëqeshjen e tij. Nga Suarez – forcën fizike dhe aftësia për të shënuar”, përfundoi kapiteni i Interit./Telegrafi/